Cuticola dell'anima

NINO PEDRETTI, E' MI BA
[Citato da vespertiliae]
E' mi ba ch'u m'à ṣvargugnè

ch'l'à pers tòtt al batai

e' mi ba ch'l'éra buṣèdar

e' mi ba ch'e' biastmévva i sént

e pu u s mitéva d'inznòc

davénti al madunini

e' mi ba ch'l'éra bèl

e u s guardéva te spèc

eì mi ba ch'l'éra purètt

ch'l'éra ambiziòuṣ, ch'e' cantévva

e' mi ba ch'u n m'à insgné gnént

e' mi ba ch'i l freghévva tòtt

e' mi ba ch'u n savévva e' latéin

e pòch ènca l'italién,

che dall'America l'è tòuran

s'un penni e trè paróli d'ingléiṣ

e' mi ba ch'e' vlévva «commendatòur»

scrétt sòura la bósta

e' mi ba, fra i ba e' piò sgangarèd,

l'à scrétt dréinta ad mè

tòtt al mi poeṣéi.






Mio babbo




Mio babbo che mi ha svergognato,

che ha perso tutte le battaglie,

mio padre che era bugiardo,

mio padre che bestemmiava i santi

e poi si metteva in ginocchio

davanti le madonnine,

mio padre che era bello

e si guardava nello specchio,

mio padre che era povero,

che era ambizioso, che cantava,

mio padre che non mi ha insegnato nulla,

mio padre che tutti lo fregavano,

mio padre che non sapeva il latino

e poco anche l'italiano,

che dall'America è tornato

con un penny e tre parole d'inglese,

mio padre che voleva «commendatore»

scritto sopra la busta,

mio padre fra i padri il più sgangherato

ha scritto dentro di me

tutte le mie poesie.


[ da Al Vouṣi e altre poesie in dialetto romagnolo, Einaudi 2007, pp. 190-191]